Angioplasty ke baad job pressure: 3 ghante call, shoulder pain! Kaise bachu?

Yaar, kal office mein ek client call thi, 3 ghante continuous. Pressure itna tha ki pata nahi kaise manage kiya. But end tak heartbeat thoda irregular lag raha tha, aur left shoulder mein halka sa pain. Abhi angioplasty ke baad 3 mahine hue hain, doctor ne bola "stress se bacho", but yeh corporate culture mein possible hai kya? Wife to roz bolti hai "chhod do job", lekin loan hai, bachhon ki fees hai. Ek taraf health ka dar, doosri taraf responsibility ka pressure.

Maine ek cheez try ki hai - office mein 1 litre water bottle rakha hai, aur har 1 ghante mein 5 minute walk karta hoon. Par client calls ke beech mein yeh mushkil hota hai. Kisi aur ko bhi aisa experience hai? Office stress se kaise deal karte ho jab boss ke saamne "break" nahi le sakte? Koi practical tip ho toh please share.