Angioplasty ke baad 1 month! Stent laga, ab kya cheat meal allowed hai?

Yaar, kal hi 1 month complete hua angioplasty ke baad. Stent laga hai, ab sab kuch normal lag raha hai but ek dar sa lagta rehta hai. Pehle 2 hafte toh bilkul bed rest tha, ab slowly walking start kiya hai - 15-20 mins morning mein.

Par ek problem hai yaar. Office wale pressure kar rahe hain ki ab aa jao, WFH se kaam nahi chalega. Aur main abhi bhi thoda shaky feel karta hoon. Heart to thoda heavy ho jaata hai jab bhi koi tension hota hai. Wife bhi bahut scared hai, har cheez mein "mat karo, mat khao" bolti hai. Aur main bhi confused hoon ki kya sahi hai kya nahi.

Ek chiz jo maine start ki hai - raat ko dinner ab 7:30 baje tak kar leta hoon, bahar ka bilkul band. Lekin cravings aati hai yaar, especially office colleagues ke saath pizza ya biryani ka plan aata hai toh mana karna muskil ho jaata hai.

Mera sawaal ye hai - kya permanent lifestyle change ke baad bhi thoda flexibility allowed hai? Jaise hafte mein ek baar cheat meal? Ya fir ab poora strict hi rahna padega? Koi experienced batao.