Acidity ka exam season! Hostel khana kha kha ke pet kharab, koi gharelu nuskha batao?

Yaar seriously ab hostel ka khana kha kha ke pet ki aisi halat ho gayi hai. Aaj subah exam tha, toh raat ko soya nahi theek se. Uth ke sabse pehle chai pi li canteen wali, aur phir do parathe aloo ke. Bas 2 ghante mein pet mein aisi marod utthi ki class chod ke washroom bhagna pada. Pata nahi kyun har baar exam ke time ye problem zyada hoti hai. Shayad stress bhi trigger kar raha hai.

Koi remedy batao bhai, kya karein? Hostel mein kuch healthy milega bhi nahi. Din mein 3-4 baar acidity ki goli khani padti hai. Aur ye junk food ka chakkar hai ki mana nahi kar paate. Kal ek dosto ne golgappe khilaye, aaj pachtawa ho raha hai. Pet mein jal raha hai har time. Koi ayurvedic ya gharelu nuskha bata do jo hostel mein bhi follow kar sakun. Please help karo, exam season mein aur kya karein.