Aankhon ka pressure 28! Andha na ho jaaun, kya karun? Eye drops bhi kaam nahi kar rahe!

Namaste everyone. Yesterday meri eye check-up thi, aur doctor ne bataya ki mera eye pressure 28 hai. Bahut high hai. Woh do mahine pehle 24 tha. Drops toh roz dalta hoon, lekin lagta hai pressure control nahi ho raha. Doctor ne kaha ki agar pressure aise hi badhta raha toh optic nerve damage ho sakta hai, and eventually blindness. Ye sunke toh dil baith gaya. Ghar mein bivi aur bachhe hain, unke saamne toh kuch nahi bolta, lekin raat ko neend nahi aati. Sochta hoon ki agar andha ho gaya toh kaise kaam karunga, ghar kaise chalega.

Main abhi Timolol drops use kar raha hoon, subah aur raat. Lekin aankhon mein halka redness aur jhunjhuna rehta hai. Kya ye normal hai? Shayad koi aur drop better ho.

Aap logon mein se kisi ko bhi high pressure raha hai? Kya aapne apna pressure control kar liya? Koi gharelu nuskha ho toh batao, ya koi special diet? Main bahut pareshan hoon. Doctor ne laser ka option bhi diya hai, lekin usme bhi risk hai. Kya karun, samajh nahi aa raha.