Aaj subah kitchen mein gir gayi! Chakkar aaye to kya karein? Koi gharelu upay batao!

Haan ji, aaj subah mere saath kya hua pata hai? Chai banane ke liye kitchen mein ja rahi thi, tabhi achaanak aisa laga jaise saara kamra ghoom raha hai. Mera sar chakkarane laga aur main gir padi. Bahut zor se chot lagi na, ghutne mein. Beta daudkar aaya to uthaya. Bahut dar lag gaya.

Mujhe pichhle kuch dino se kabhi kabhi chakkar aate hain. Diabetes hai, aankhon mein bhi problem hai doctor ne kaha hai. Par aaj to pata nahi kyun itna jor se aaya. Kya koi gharelu upaay hai iska? Maine socha hai ki chakkar aane lage to turant baith jaaun, par kabhi kabhi time nahi milta.

Aap logon ko bhi aisa hota hai? Kya karte ho? Doctor ne kaha tha BP check karwao, magar BP toh theek hai. Shayed sugar low ho gayi thi. Kya aap log kuch khaate ho turant? Mene aaj subah namak pani pi liya toh thoda aaram aaya. Par baar baar aata hai toh dar lagta hai. Koi suggestion do please.