92 kilo! BP high, snoring aur saans rukna - koi desi nuskha hai weight loss aur sleep apnea ka?

Yaar kal hi Mera weight check karaya. 92 kilo ho gaya hai. Pichle 2 saal mein 10 kilo badh gaya. Aur mera BP bhi high rehta hai, doctor ne kaha hai weight kam karo to BP bhi control hoga aur snoring bhi kam hoga.

Main subah subah uth ke thoda walk karne laga hoon. Par honestly, 15 minute walk se kya hoga? Kuchh aur batao bhai log. Kya koi aisa desi nuskha hai jisse weight kam ho aur snoring band ho? Maine suna hai neem ki patti aur honey se kuch fayda hota hai? Par maine try nahi kiya.

Ek aur baat - raat ko sote waqt mera saans rukta hai jaise. Bahut dar lagta hai. Lekin CPAP machine ka sochta hoon to sharam aati hai. Padosi log puchenge "ye kya bakwas machine lagaya hai?" Isliye main soch raha hoon pehle weight loss karke dekhoon. Aap logon ne kuch weight loss ka success story share kiya to bahut madad hogi.