7 saal ka beta cerebral palsy se school se bahar, koi special school suggest karo?

Mere beta 7 saal ka hai, cerebral palsy hai. Physical therapy toh roz ka hai, ghar pe hi karte hain. School mein daala tha, par woh bachche use ghoorte the, kuch tease karte the "tedha chal raha hai" bolke. Ek din woh rota hua aaya, "Mummy, mujhe nahi jaana school." Tab se ghar pe hai. Wife poora din uske saath rehti hai, therapy, khana, sab. Paisa bhi pareshani hai, therapy ka kharcha alag, doctor ke checkup alag. Sochta hoon koi special school try karein, par suna hai wahan bhi bachche milte hain jo normal hain toh phir wahi problem.

Kya koi aur bhi yahan hai jiska bachcha cerebral palsy ke saath school nahi ja paaya? Koi aisa school hai jo specially differently abled bachchon ke liye ho, jahan teachers ko samajh ho? Ya ghar pe hi padhayein toh theek hai? Bahut tension hai, wife bhi thak gayi hai emotionally. Please koi suggest karo.