6 mahine ka baby raat ko 2-2 ghante jagta hai, hair fall aur saas ke nuskhe! Koi bachao 😩

Yaar, please koi batao. Mera baby abhi 6 month ka hua hai aur main pagal ho rahi hoon. Raat ko 2-2 ghante jagta hai, rone lagta hai, toh main uth jaati hoon. Din bhar thak jaati hoon, aur hair fall toh itna ho raha hai ki comb mein guchhe nikalte hain. Doctor ne vitamin D aur iron diya hai, lekin koi fark nahi pad raha.

Sabse mushkil baat hai ki meri saas har roz naya nuskha leke aati hain. "Baby ko raat ko dudh pilao, gud aur ghee do, sona mat do din mein." Main bolti hoon ki doctor ne sleep training suggest kiya hai, toh kehti hain "pata nahi kaun sa angrezi doctor hai, humara bachha toh aise hi bada hua." Main bhi confused hoon.

Kya koi Indian mom hai jiska baby sleep training par set hua? Koi aasan tarika batao jo ghar mein bhi chal sake, bina saas ko offend kiye. Aur ye hair fall kya kabhi rukega? Ya main aise hi jaa rahi hoon? 😩