53 saal ka hoon, gussa control nahi hota, BP 158/98! Koi instant remedy batao?

Yaar, aaj fir se gussa aagya. Office me ek staff ne late report di to maine aise chillaya ki sab sun rahe the. Baad me pata chala uski ghar me problem hai. Bahut bura laga. BP bhi check kiya to 158/98 dikhaya. Bivi ne bhi kaha - "tumhara gussa tumhe mita dega ek din."

Maine 2 hafte se breathing exercise try kiya hai. Subah 10 minute deep breathing karta hoon. Lekin jab trigger hota hai to sab bhool jaata hoon. Koi remedy batao jo instant kaam kare. Kya koi specific breathing pattern hai jo gussa aane pe turant help kare? Ya koi aasan sa mantra ya trick?

Doctor ne kaha hai ki agar BP control nahi hua to medicine lena padega permanently. Lekin main nahi chahta. Umar 53 hai, abhi business me active hoon. Par health kharab ho rahi hai stress se. Bivi se roz kalesh hota hai, fir baad me regret hota hai.

Koi batao kaise sudhar sakte hain? Kya yoga se fayda hua kisi ko? Ya phir koi professional help lena chahiye? Please share your experiences.