**5 liter paani roz pee raha hu, ab toilet ke chakkar mein biwi bhi tang! Kidney stone ka dard na ho dubara, kya sahi hai?**

Yaar, main toh 5 liter paani roz peene ka target le ke baitha hoon. Pichle saal kidney stone ka dard itna tha ki yaad aata hai toh bhi pasina aa jaata hai. Ab doctor ne kaha hai ki kam se kam 3-4 liter toh pio, lekin main dar ke maare 5 liter bhi pe leta hoon. Din bhar balti bhar ke paani rakhta hoon office mein, log mujhe paagal samajhte hain. Par kya karein, woh dard dubara nahi chahiye.

Problem yeh hai ki raat ko baar baar uthna padta hai toilet ke liye. Biwi bhi chidhti hai ki "sone de, itna paani kyun peeta hai". Lekin main usse samjha nahi paata ki stone ka dard kya hota hai. Usne toh kabhi dekha nahi. Toh main kya karoon? 5 liter sahi hai ya kam kar doon? Koi aur bhi hai jo itna paani peeta hai? Aur kya koi side effects hote hain itna paani peene se? Main toh bas dar ke maare peeta hoon, par kya yeh zyada ho raha hai? Please koi experience share karo.