**5'8 par 48 kilo atka, liver ki problem bhi aa gayi - koi natural desi nuskha batao weight gain ka?**

Yaar seriously fed up now. Mera weight 48 pe atka hua hai 5'8 height mein. Log roz bolte hai "khaana nahi khata kya" ya "hawa mein ud jayega". Ghar walo ne bhi pressure dal diya ki kuch karo nahi to shaadi nahi karega koi 😂.

Last month maine mass gainer powder liya tha - MuscleBlaze ka. Starting mein lag raha tha ki kuch effect hoga. But 10 din baad liver enzymes high ho gaye. Doctor ne bola powder band karo, abhi permanent damage nahi hua but risk hai. Ab dar lagta hai koi b supplement touch karne se.

Ab kya karun? Ghar pe khana toh khata hoon - 3 roti, dal, sabzi, chawal. Thoda dahi bhi. But gain nahi ho raha. Gym join kiya tha but trainer ne bola pehle weight gain karo fir heavy lifting karo.

Isliye pooch raha hoon - koi natural safe way hai weight gain karne ka? Koi gharelu nuskha ya ayurvedic chiz jo liver pe load na daale? Please help karo yaar, bahut demotivate ho raha hoon.