41 saal, TB ka ilaaj chal raha hai, lekin urine bright red dekh kar ghabra gaya! Kya ye normal hai?

Doston, mujhe kuchh puchhna hai. Main 41 ka hoon, aur pulmonary TB ka ilaaj DOTS se chal raha hai govt hospital mein. Dawaai toh bahut garam kar rahi hai yaar. Subah uthke pet mein jalan, thoda weakness rehti hai. Lekin ek cheez ne mujhe aur ghabra diya – mera urine bright red aa raha hai. Pehle toh mujhe laga blood aaya hai, doctor ko dikhaya toh unhone kaha ki rifampicin ki wajah se normal hai. Lekin phir bhi mann nahi maanta. Padosi ne dekha toh kaise bataoon ki kya hai? Log toh TB sunte hi door bhaagte hain. Family ko bhi sirf wife ko pata hai, bachchon se chhupaya hai. Bahut stress hai.

Kya kisi aur ko bhi aisa hua hai? Urine ka red hona kitne din tak rehta hai? Aur kya is dawai ke saath koi gharelu nuskha hai jo garmi kam kare? Main dawai nahi chhodna chahta, lekin side effects se pareshan hoon. Please koi guidance do.