4 saal ka beta grocery mein chillaya, log ghoorne lage – autism hai, kya karein?

Aaj toh bahut mushkil din tha. Mera 4 saal ka beta, aaj grocery store mein achanak se chillane laga. Koi reason nahi tha, bas aise hi. Saare log ghoorne lage, ek aunty ne toh kaha "bacche ko sikhao theek se behave karna." Mera dil toot gaya. Use autism hai, speech delay hai, woh express nahi kar pata. Main use ghar le aayi, usko gale lagaya, aur khud rone lagi.

Humne speech therapy shuru ki hai 2 mahine pehle. Thoda improvement hai jaise woh ab eye contact karta hai kabhi kabhi, par bolna abhi door hai. Ghar mein toh relatives ka pressure hai, "school mein enroll karo, woh seekhega." Par unhe nahi pata meltdowns kya hote hain. Bahar jaana ab ek struggle ban gaya hai.

Mujhe koi tip chahiye. Aap log public meltdowns kaise handle karte ho? Koi specific toy ya technique jo kaam karta hai? Bahut akela feel ho raha hai. Please help. 🙏