36 weeks pregnant, insulin injections shuru - kya koi natural way hai sugar control ka?

Mujhe samajh nahi aa raha honestly. 36 weeks pregnant hoon, second baby hai, but pehli baar gestational diabetes hua hai. Doctor ne insulin injections shuru kar diye hain. Subah uthke hi apne aap needle lagana, haath kaanp rahe hote hain. I know it's for baby's safety, but dil karta hai koi aur raah ho.

Meri mother-in-law bolti hain "humare zamane mein kya insulin chahiye tha, ghar ka khaana khao bas." Unhe samajh nahi aata ki mere sugar levels 200+ jaate hain kuch bhi khaane par. Aaj subah roti kha li thi, 2 ghante baad 230. Fir injection lena pada. Bahut bura lagta hai apne aap ko needle lagate hue. Baby ko bhi risk hai, weight badh sakta hai.

Beta abhi 2.5 saal ka hai, uski bhi tension hai. Bed rest hai toh uske saath nahi khel sakti. Pati support kar rahe hain but office se late aate hain. Koi koi din lagta hai main akeli hoon is fight mein.

Kya aap logon ko bhi insulin injection pehle awkward laga tha? Or kya koi natural way hai sugar control karne ka? Please share your experience. Bas thoda reassurance chahiye ki sab theek hoga. 🙏