3 saal chemo ke baad bhi haath pair numbness? Kya ye permanent hai ya koi solution hai?

Arre bhai, 3 saal ho gaye chemo khatam hue, lekin ye haath pair ka numbness jaane ka naam nahi le raha. Pichhle hafte chai ka cup pakda to pata bhi nahi chala ki garam hai, jal gaya. Wife ro padi, “ab aur kya hoga?” Main boldeta hoon, “kuch nahi, ab aadat ho gayi.” Lekin andar se darr lagta hai… kya ye nerve damage permanent hai? Koi batao? Neurologist ne gabapentin diya hai, thoda kam hota hai lekin full relief nahi. Aur ab scan ka time aane wala hai, cancer return ka khayal aate hi raat ko neend nahi aati. Kids bolte hain “papa aap tension mat lo,” lekin woh nahi samajhte ki ek baar cancer ka taste jo le liya, woh kabhi nahi jaata. Kya koi aur hai yahan jiska chemo ke baad bhi ye numbness bana hua hai? Kya koi permanent solution hai ya bas dawai se manage karna hai? Aur haan, kya yoga ya koi exercise se fark padta hai? Please share your experiences, bahut akelapan feel hota hai.