3 mahine mein bhi nahi sudhar papa? Stroke recovery ya physiotherapy waste? Please help!

Mere father-in-law ko stroke hue 3 mahine ho gaye. Paralysis hai right side. Physiotherapy chal rahi hai regularly but improvement bohot slow hai. Kabhi kabhi lagta hai ki kuch farak hi nahi pad raha. Unke toes mein thoda movement aaya hai but overall body still weak. Bedridden hain toh bed sores ka bhi tension rehta hai.

Main roz unke legs aur arms ki exercises karvati hoon but woh bahut frustrated ho jaate hain. Kabhi kabhi rone lagte hain ki ab kuch nahi hoga. Mera bhi mann karta hai ki bas chhod doon but phir sochti hoon ki koi aur hai nahi dekhne wala.

Ghar mein tension hai. Pati office jaate hain, bachche school. Main akeli hi sab sambhalti hoon. Kabhi kabhi sochti hoon ki kya yeh physiotherapy really kaam karegi? Ya bas time waste hai? Doctors kehte hain patience rakho but kitna patience?

Kya kisi aur ke saath bhi aisa hua hai? Stroke recovery mein kitna time lagta hai? Koi aise exercises hain jo ghar pe easily kar sakte hain? Thoda motivation chahiye honestly.