Sugar 250+ aaj subah! Karele ka juice try kiya, ab insulin se bachne ka koi desi nuskha?

Bhai log, aaj subah fhir se sugar 250+ nikal gaya. Dawa khata hu roz, metformin aur ek aur goli hai, lekin tension se control nahi hota. Pota bola "dada aap subah karele ka juice pi liya karo, mere friend ke dadaji ka sugar kam hua tha". Maine try kiya kal, swaad toh khatarnaak tha lekin sugar thoda kam hua tha shaam tak. Par pata nahi, kya bina insulin ke sugar control ho sakti hai? Koi natural nuskha ho toh batao. Doctor ne insulin ka naam liya hai lekin main dar lagta hai, needle dekh ke hi ghabrahat hoti hai. Aur ghar ka tension alag hai, bete toh apne kaam me lage rehte hain, koi puchta nahi. Bas pota hai jo thoda dhyaan rakhta hai. Karela juice ke alawa koi aur desi ilaaj batao bhai, jo bina needle ke kaam kare. Methi dana bhi suna hai, par uska koi tarika hai? Please help karo, bahut pareshan hoon.