Stent laga, ab biryani dekhte hi guilt ho raha hai – kya kabhi life normal hogi?

Yaar, 3 months ho gaye stent lage hue. Dil ka darr to kam ho raha hai but ek naya dar aa gaya hai – kya kabhi normal life wapas milegi? Office wapas join kiya, but 2 hours baithte hi lagta hai pressure aa raha hai. Pehle jaisa stamina nahi hai, choti si stair climb karte hi saans phool jaati hai.

Aaj ek incident hua – lunch me colleague ne biryani order kari, sab kha rahe the. Maine socha "thoda sa toh chalega", but fir yaad aaya doctor ka warning – oil, masala, sodium sab band. Ek bite liya aur guilt ho gaya. Plate side kar di. Bahar ka khana ab permanently bye bye.

Ek positive cheez bataun? Mene walking start ki hai – subah 20 min, sham 20 min. Starting me legs pain hota tha but ab adapt ho raha hai. Lekin ek sawaal hai seniors se: **Stent lene ke baad kab feel hota hai ki ab sab normal hai?** Ya yeh darr hamesha rahega? Koi tips ho toh share karo, please.