Shaadi ke 8 mahine, periods nahi aa rahe – papaya-gur se hoga fix? Kisi ne try kiya?

Mujhe kuch samajh nahi aa raha hai. Mene socha yahan kisi ne ye try kiya ho to bata de.

Meri shaadi ko 8 mahine hue hain, lekin naturally periods nahi aate. 3-4 mahine ka gap ho jata hai, dawai se late hain. Mother in law ne kal hi poocha, "Beta kuch problem to nahi?" Main kuch bol nahi paayi. Unhe pata hai kuch gadbad hai, lekin main nahi chahti wo tension le.

Kal se main papaya aur gur kha rahi hoon. Kisi ne bataya ki papaya me enzyme hota hai jo periods la sakta hai, aur gur body warm karta hai. Mene subah khali pet papaya kha liya, aur raat ko gur ka chai piya. Aaj thoda pet me dard ho raha hai jaise aane wala ho, lekin abhi tak kuch nahi aaya.

Kya kisi ne ye try kiya hai? Sach mein kaam karta hai? Ya bas waste hai? Muje bahut dar lagta hai ki future me issues ho sakte hain. Please koi apna experience share kare. Main ghabrahi hui hoon.