Rest karte hue dil ki dhadkan achanak tez? Kya garmi ka asar hai ya kuch aur?

Namaste doston. Aaj mujhe thoda dar lag raha hai. Subah subah bed se uthi nahi thi, bas aise hi leti hui thi TV dekh rahi thi, tabhi achanak se dil ki dhadkan bahut tez ho gayi. Jaise koi ghoda daud raha ho andar. Main toh ghabra gayi. Kuch minute ruk gaya, phir wapas normal ho gaya. Lekin yeh pehli baar aisa hua hai jab main rest kar rahi thi. Pehle toh kabhi kabhi chadhne ya thakne par hota tha, par aaj toh bas aise hi.

Maine socha ki kya garmi ki wajah se ho sakta hai? Ya phir khaana kuch gadbad kha liya? Lekin main toh aaj subah bas chai pi thi. Mera BP bhi check kiya, thoda high tha 140/90. Dil ki doctor ne kaha tha ki blood thinner le rahi hoon, toh koi bhi choti moti chot se khoon rukne mein time lagta hai. Isliye aur dar lagta hai.

Kya aap mein se kisi ko bhi aisa hua hai? Ki achanak rest mein dil tez dhadakne lage? Koi gharelu nuskha ho toh batao, ya fir doctor ke paas jaana zaroori hai? Main kal subah hospital jaane ka soch rahi hoon, lekin pehle aap logon se sunna chahti hoon.