Raat ko 3 baar peshab? Sugar 250+ aur akelapan kar raha hai pareshan! Koi desi nuskha batao

Beta, raat ko chain nahi milta. Sugar 240-260 ke beech rehti hai, doctor ne metformin aur insulin dono diya hai. Lekin raat ko 2-3 baar peshab ke liye uthna padta hai. Aaj kal toh dar lagta hai ki kahi neend mein hi kuch na ho jaye.

Akela aadmi hoon, biwi nahi hai. Ghar mein khud hi khana banata hoon. Kabhi kabhi akelapan meetha khane par majboor kar deta hai, lekin ab control kar raha hoon. Beta ne kal phone karke kaha ki "Papa aap roj 5 km walk karo," lekin mere ghutne bhi dard karte hain.

Kya raat ko baar baar peshab aana sugar ki wajah se hi hai? Ya koi aur problem ho sakti hai? Koi aisa nuskha bataye jisse raat ko 2-3 baar uthna na pade. Neend poori nahi hoti, din bhar thakan rehti hai. Kya koi ayurvedic ya gharelu upay hai? Please koi batao.