Mummy ne sukha papad bola, banana milk shake se weight aayega ya liver ka dard? 😭

Yaar kya bolun, ek hafta pehle mummy ne bola "beta itna patla kyun ho, log toh puchte hain ki bhookh se mar raha hai kya?" Bahut bura lagta hai. College me bhi seniors "sukha papad" bolke chidhate hain. Maine socha mass gainer powder le loon, par usse liver pe issue aa gaya - jaundice jaisa mild symptom tha, doctor ne mana kar diya.

Ab main natural try kar raha hoon. Ek dost ne bataya banana milk shake ka. Main roz subah 1 banana + 200ml full cream milk + 1 spoon honey + thoda dry fruits powder milake pita hoon. Taste toh mast hai, lekin kya yeh actually muscle gain karega? Mera weight 48kg hai height 5'9", bahut underweight hoon.

Ghar me papa bolte hain "doodh pi liya karo" jaise yeh magic hai. Par main seriously gain karna chahta hoon. Koi batao, banana milk shake se kya kya benefits hote hain? Aur kitna time lagega weight gain hone me? Pls help karo, bahut frustrated hoon. 😔