Moon face ne mera confidence zero kar diya! 😭 Lupus steroids k side effects se koi natural remedy?

mujhe pata hai steroids life-saving hote hain lupus mein... par yeh "moon face" dekh ke mera confidence completely zero ho gaya hai. kal mere cousin ki shadi thi, maine photos dekh li - mera face pura gol, puffiness, aur neck bhi thick lag raha hai. relatives ne kaha "khush reh, kuch nahi hua" but they don't understand yeh steroids ka side effect hai, na ki maine kuch zyada kha liya.

didi, main 10 mg prednisolone pe hoon, slowly taper kar rahi hoon doctor ke saath. but weight gain toh ruk nahi raha. face pe toh extra fat jam gaya hai. mujhe lagta hai log sochte hain main lazy hoon ya binge eating kar rahi hoon. reality yeh hai ki raat ko neend nahi aati, subah uthti hoon toh pura body pain hota hai, aur steroids ne metabolism hi khatam kar diya.

mera ek sawaal hai - kya koi natural remedy hai jo is "moon face" ko kam kar sakta hai? ya phir yeh apne aap chala jayega jab steroids ka dose kam hoga? maine cucumber slices rakhe, green tea pi, par koi farak nahi. plz koi toh batao, main akela feel kar rahi hoon.