Mass gainer ne jaan le li! 😭 Ab kya safe protein lein? College student budget me batao.

Yaar ek cheez batao... main seriously fed up ho gaya hu. Aaj dost ne fir kaha "oye hanger, khaana nahi khata kya tu?" 😭 Maine toh bohot try kiya hai gain karne ka. Pehle mass gainer powder liya tha, lekin 2 hafte me liver enzymes high ho gaye, doctor ne turant band kar diya. Ab kya karun?

Ghar ka khana toh roz khaata hu - paratha, chawal, dal, sabzi. Doodh bhi peeta hu. Phir bhi weight 48 pe atka hua hai. Gym jata hu lekin waha log kehte hai "pehle weight badhao, phir aao." Koi natural remedy ya safe supplement suggest karo jo budget friendly ho. College student hu, zyada mehnga nahi afford kar sakta.

Aaj subah utha toh thoda dizzy feeling aaya. Maa ne dekha toh chinta kar rahi hai. Koi genuine advice dedo bhai. Bas kuch kg muscle gain karna hai, body banani hai. Protein powder bhi soch raha hu, but previous experience se dar lag raha hai. 🥲