Log mujhe bhoot samajh rahe hain! Safed daag ka stigma khatam kaise karein?

Yaar, aaj kuch ajeeb ho gaya. Subah nikal gaya tha chai peene, ek bachcha road par khel raha tha. Jaise hi usne mera haath dekha, woh ruk gaya aur ghoorne laga. Phir uski amma ne bhi dekha aur jhat se usko kheech liya, jaise main koi bhoot hoon. Aisa lagta hai jaise yeh safed daag sirf mera nahi, poore society ka stigma hai.

Main try toh kar raha hoon strong rahne ka. Dermatologist ne ek ointment diya hai, lekin dheere kaam karta hai. Ghar waale toh kehte hain "chhota mota hai, kya farak padta hai," par bahar nikalte hi logon ki nigaahein aur sawaal. Koi puchhata hai "yeh kya hai?", koi seedha ignore karta hai.

Aap logon se puchhna hai: jab log ghoorte hain, toh aap kya karte ho? Ignore karte ho, jawab dete ho, ya unhe ghoorna seekha dete ho? Koi tareeka hai jo kaam karta hai? Thoda guidance chahiye, kyunki mentally strong rehna mushkil ho raha hai kabhi kabhi.