Hashimoto's hai toh sab dimaag mein hai? Doctor ne thyroid test bhi nahi kiya, bas 'stress' ka tag de diya! Kya karein?

Yaar, aaj fir wahi hua. Ghabrahat aur body ache bahut zyada ho rahi thi, socha thyroid ka flare up hai. Doctor ko dikhaya. Uncle ji ne seedha kaha, "Stress mat lo, aap theek ho." Bas. Thyroid test bhi nahi karvaya. Jab maine kaha ki Hashimoto's hai aur pain hai, toh bolte hain, "Yeh sab aapke dimaag mein hai."

Mujhe samajh nahi aata, kya hum auraton ko apna dard prove karne ke liye medical degree lena padega? Aajkal toh main apna BP, sugar, thyroid sab khud monitor karti hoon kyunki doctor toh "stress" ka tag laga ke bhej dete hain. Kisi ko bhi yeh problem face karna ho toh kya karte ho? Koi aasani se kaam aane wala painkiller ya natural remedy hai? Main thak gayi hoon har baar "stress" ka sunkar.