Fatty liver grade 3 reversal? Mera experience suno, shock lagega!

Yaar, kal hi report aaya hai. Fatty liver grade 3. Doctor ne toh seedha kaha—"Amit ji, ab bahar ka khana aur daru bilkul band. Nahi toh cirrhosis ka rasta hai." Mera toh pet hamesha bhari bhari lagta hai, jaise koi balloon bhar gaya ho. Kabhi kabhi right side mein dard bhi hota hai.

Problem yeh hai ki main businessman hoon. Client meetings mein manage karna mushkil ho jata hai. Kal hi ek client ke saath dinner tha, toh maine sirf salad liya aur green tea, lekin wo log mazak udane lage—"Amit ji health conscious ho gaye?" Bahut awkward hota hai. Ghar mein biwi bhi gussa hai, kehti hai "Ab toh control karo warna sab khatam ho jayega."

Main Apple cider vinegar with water subah peena shuru kiya hai, aur walk bhi 30 min kar raha hoon. Lekin ek sawaal hai—kya grade 3 fatty liver reversal possible hai? Kisi ko experience ho toh batana. Kitna time lagta hai? Aur kya aapne koi specific diet follow ki thi?