Fatty liver grade 3 ka dull pain ya business stress? Help chahiye!

Yaar, aaj kal right side stomach mein ek dull sa pain rehne laga hai. Pehle kabhi aisa nahi hua tha. Fatty liver grade 3 hai, doctor ne pehle hi dara rakha hai. Pet bhi hamesha bhari bhari lagta hai, jaise koi pressure ho. Aaj subah utha toh pain zyada feel hua, thoda walk karne se kam hua but phir bhi.

Mujhe lagta hai yeh liver ka side effect hai. Main roj subah warm water nimbu aur methi powder le raha hoon, par kaam ka pressure itna hai ki client meetings mein bahar ka khana aur daru avoid karna mushkil ho jata hai. Kal ek client ne whiskey pe li, maine sirf soda piya but fir bhi tension hai.

Ghar mein biwi bhi pareshan hai, kehti hai "business se pehle apni health dekho". Lekin business chhod doon toh kya karein? Family ka responsibility hai.

Kya kisi ko bhi aisa dull pain hua hai? Kya yeh serious hai ya normal? Koi home remedy ya exercise suggest karo jo office ke sath adjust ho jaye. Please help yaar.