Bhai, dalchini aur 10 minute walk ne kya kar diya! Sugar 280 se 180 – asar hai ya waqt ka khel?

Bhai log, aaj subah sugar 280 tha. Phir maine socha kyun na bina insulin ke hi control karun. Mera pota (10 saal ka hai) bola "dada, aap subah uthke 10 minute ghooma karo, aur chai mein ek chutki dalchini daal do". Maine aaj wahi kiya. Subah uthke ghooma, phir dalchini wali chai pi. Aaj shaam ko sugar 180 hai. Pata nahi yeh asar hai ya bas waqt ka khel.

Lekin tension wali baat yeh hai ki main roz insulin nahi lena chahta. Injection se dar lagta hai, aur ghar mein koi hai nahi jo de de. Beta log apne jhagde mein busy hain. Kya kisi ne bina insulin ke sugar control kiya hai? Koi desi nuskha ho toh batao. Main karela juice bhi peeta hoon, lekin uska taste bada kharab hai. Dalchini aur methi dana kaam karta hai kya? Please bhai log, koi sahara do.