Beetroot, carrot, nimbu paani, palak sab try kiya! Kya sach me liver detox hota hai ya sab bakwas?

Yaar, aaj subah uthke liver ke liye kuch natural detox foods ke baare me soch raha tha. Mene suna hai beetroot aur carrot juice ka mixture kafi accha hota hai. Kal hi mene ek glass nimbu paani garam me piya, empty stomach, kafi fresh feel hua. Par pata nahi ye sab kaam karta hai ya bas placebo effect hai. Koi hai jo ye sab try kiya ho? Mene dawai bhi karta hu, par natural cheeze bhi add karna chahta hu recovery me.

Aaj subah mummy ne palak ka saag banaya, thoda sa ghee daalke. Bola ye liver ke liye accha hota hai. Par mujhe dar lagta hai ki kuch galat na kha lu. Withdrawl symptoms thode kam hote ja rahe hai, par shame bahut feel hoti hai. Family support kar rahi hai, lekin unke saamne aankhe uthake dekhna bhi mushkil ho raha hai.

Koi simple home remedy ho toh batao. Aur haan, haldi doodh pi sakta hu? Ya phir kuch aur? Please share karo, bahut zaroorat hai guidance ki.