Bald ho jaaogi ya weight wapas? IF chhodun ya jaan jokhim mein daalun? 😭

Yaar mujhe samajh nahi aa raha kya karun. 6 months pehle maine intermittent fasting start kiya tha (16:8, kuch din 18:6 bhi kar leti thi). Weight loss toh hua tha shuru mein, lekin ab 2 months se hair fall bohot zyada ho raha hai. Har roz nahate waqt haath mein guchhe aate hain. Mera dermatologist bola ki yeh protein aur iron deficiency hai, fasting ki wajah se.

Maine socha tha IF toh easy hai, khaana toh kha leti hoon. But honestly, main proper nutritious khana nahi kha pati thi - bas 8 ghante mein jo bhi milta hai kha leti thi. Ab main omega 3 supplements le rahi hoon, flax seeds, makhana, eggs, palak sab kuch daal rahi hoon khane mein. But hair fall ruk nahi raha.

Kisi ko koi remedy aata hai? Ya kya karna chahiye? Main soch rahi hoon ab IF chhod doon, lekin weight wapas aa jayega toh aur depression ho jayega. Already metabolism kharab hai crash diets se. Please help karo! 😭