5 liter paani peeke pagal ho gaye? Kidney stone ka dar ya naya problem?

Yaar, main toh paani ka deewana ban gaya hoon. Kidney stones ke baad se ek saal ho gaya, lekin dar nahi jaata. Doctor ne kaha tha ki din mein kam se kam 3-4 liter paani piyo. Main toh ab 5 liter bhi pee leta hoon kya pata phir se stone na ban jaye. Roz subah uthke pehle do glass, phir gym jaate waqt balti bhar ke le jaata hoon. Office mein bhi bottle rakhta hoon har ghante bhar ke peeta rehta hoon.

Par ab problem yeh hai ki family aur friends mujhe pagal samajhne lage hain. Mummy kehti hai "beta itna paani peene se kidney pe pressure padta hai." Aur meri biwi toh tang aa gayi hai ki raat ko 4-5 baar toilet ke liye uthna padta hai. Pichle hafte ek dost ne toh joke maara ki "tu paani ka tanki ban gaya hai."

Mujhe actually puchna hai: Kya 5 liter paani rozana safe hai? Ya zyada paani bhi kidney ko damage kar sakta hai? Main beer chhod di hai, soft drinks bhi nahi leta, sirf paani. Koi expert ya same problem se guzra ho toh bataye. Aur yeh toilet ka issue kaise handle karun? Raat ko neend nahi aati baar baar uthke.