30 saal Type 1 diabetes ke baad kidney failure ka dar, kya koi bacha sakta hai?

Yaar, 30 saal ho gaye type 1 diabetes ke saath. Childhood se hi insulin pe hoon. Abhi recently urine test mein protein aaya, creatinine bhi high hai. Doctor ne kidney function abnormal bataya. Mera mann karta hai ki bas chup baith jaaun kabhi kabhi. Insulin resistance bhi develop ho raha hai lagta hai - dose badh raha hai but sugar control nahi ho raha. Family mein kisi ko samajh nahi aata. Maa roz puchhti hai "kya hua?" lekin main kya bataun? Unhe lagta hai bas insulin lo aur sab theek ho jayega. But itna saal struggle karke ab complications dekhna bahut painful hai.

Ek cheez maine start ki hai - low carb diet. Lekin ghar mein sab roti-sabzi khate hain toh alag banana padta hai. Patni bhi thoda pareshan ho jaati hai. Aur main sochta hoon, kya yeh sab kaam aayega bhi? Kidney ab permanent damage hai kya? Koi aisa hai jiska type 1 diabetes ke baad kidney stable raha ho? Please share your experience. Bahut dar lagta hai dialysis ka. Koi alternative medicine ya lifestyle change hai jo kidney ko bacha sakta hai? Bas koi guidance dedo, main akela feel kar raha hoon.