22 saal ka hoon, ACL tear - surgery ya desi ilaaj? Koi cricket mein wapas aaya?

Yaar seriously kya karu ab... 22 saal ka hoon, cricket meri life thi. Gali ka star tha, district level tak khel liya tha. Phir ek match mein awkward landing, pop sound aaya aur main gir gaya - ACL tear. MRI confirm kar diya.

Doctor ne surgery recommended ki hai, bolta hai agar nahi karwaya toh sports career khatam. But mere parents dar gaye. Papa ke dost ka ek cousin hai jo "desi pehalwan" hai, usne kaha ki hath se set kar dega, jadibooti laga dega. Maa toh usi ke bharose hai. Main samjhata hoon ki ligament tear hai, fracture nahi, surgery hi option hai but they think surgery se kamar tot jayegi.

Ab 3 hafte ho gaye, crutches pe ghoom raha hoon. Knee mein swelling toh kam hui hai par jab bhi thoda zyada moarta hoon, lagega jaise kuch andar se shift ho raha hai. Physio bhi gaya tha, usne bhi surgery recommend ki.

Mera sawaal ye hai ki koi aisa hai jiska ACL surgery hua ho aur wapas sports mein aaya ho? Especially cricket? Ya ye soch ke mann baitha lo ki ab bas normal life chalegi, sports bhool jao? Parents ko kaise convince karun?